"Tommo" prodakşın, "Maksimum" prodakşın və "Addım" gənclər təşkilatının birgə təşkilatçılığı ilə layihə keçirilir. Layihədə seçilən 13 iştirakçı çıxış edir.

Bu sözləri Park Bulvarda təşkil edilən kastinqin aparıcısı Abbasağa Əlizadə layihə haqqında Kult.az-a danışarkən deyib. Onun sözlərinə görə, layihənin qalibinə konsert turları təşkil ediləcək:

"Birinci mərhələdə seçilənlər 2-ci mərhələyə adlayır. Bu gün keçiriləcək 2-ci mərhələnin seçimində hansı iştirakçı qalib olsa, onunla müqavilə bağlanılacaq. Münsiflər heyəti tərəfindən qalib elan olunan iştirakçının musiqisi yazılacaq, albomu olacaq, klip çəkiləcək, eləcə də Avropa televiziyalarında çıxışları olacaq, konsert turları gerçəkləşdiriləcək.

Layihənin münsifləri "Maksimum" konsert kompaniyasının rəhbəri dünyanın ən böyük bukinq agentliklərindən biri Eqa Cikasvilis, "Şokolad" mahnısının ifaçısı SEEYA, bəstəkar, prodüsser "Tommo" prodakşının rəhbəri Boqdan Toma, bir də əməkdar artistimiz Tünzalə Ağayevadır".