“Jara-2017” festivalının üçüncü gününün iştirakçılarının qırmızı xalı üzərindən ənənəvi keçidi davam edir.

Kult.az xəbər verir ki, qırımızı xalı üzərindən keçən Aleksandr Revva Azərbaycan dilində bu sözləri səsləndirib: “Mən səni sevirəm, Bakı”.

İnna Malikova isə belə deyib: “Bakıya - bu gözəl şəhərə gəlməyindən məmnunam. Burada çəkdirdiyim fotoşəkilləri instaqramda yerləşdirəcəyəm”.

“Jara” festivalının üçüncü günündə iştirak edən estrada ulduzlarının qırmızı xalı üzərindən ənənəvi keçidi davam edir. Onlar jurnalistlərin suallarını cavablandırır, Bakı və festival haqqında təəssüratlarını bölüşürlər.

Qırmızı xalı üzərindən keçiddə Yuliya Lısenko və Slava Nikitin aparıcılıq edirlər.

Xatırladaq ki, “Jara”da üçüncü gecə SSRİ Xalq Artisti, Rusiya Federasiyası Dövlət mükafatı laureatı Alla Puqaçovanın yaradıcılığına həsr edilib.