Hamınızın fikrinə hörmətlə yanaşıram.

Axar.az xəbər verir ki, bu sözləri əməkdar artist Lalə Məmmədova rəsmi İnstaqram səhifəsində yazıb. Müğənni sosial şəbəkədə yazılan şərhlərə görə pərəstişkarlarına etirazını bildirib:

"Dünəndən bəri sizinlə bölüşdüyüm 3 şəklə yazdığınız şərhləri oxudum. Bəziləriniz ürəkdən təəssüf hissi ilə, bəziləriniz sanki çoxdan bəri ürəyində yığılıb qalan antipatiyasını izah etmək üçün bir məqam axtarırmış kimi, bəziləriniz də etik normaları aşaraq fikirlərinizi yazmısınız. Hamınızın fikrinə hörmətlə yanaşıram. Ancaq təəssüf ki, bir məqama diqqət yetirməmisiniz. Mən həm müğənni, həm aktrisayam.

Bu şəkillər retro stili, yəni 19-cu əsrin sonları, 20-ci əsrin əvvələrini əks etdirir. Bu şəkillər iş prosesi zamanı çəkilib. Sizin hər zaman görməyə alışdığınız Lalə deyil. Bu obrazdır. Yalnız şəkillərdə və səhnədə qalacaq obraz. Bir az diqqətli və anlayışlı olun. Hər biriniz mənim üçün dəyərlisiniz".