ABŞ və Çin Stokholmda keçirilən danışıqlardan sonra tariflər üzrə “atəşkəsi” daha üç ay müddətinə uzadıblar.

Axar.az xəbər verir ki, bu barədə “Sveriges Radio” məlumat yayıb.

Qeyd edək ki, ABŞ və Çin nümayəndələri arasında 10–11 may tarixlərində Cenevrədə keçirilən danışıqların nəticəsi olaraq 90 gün müddətinə gömrük rüsumlarının azaldılması barədə razılaşma əldə olunmuşdu (ABŞ-a idxal olunan Çin mallarına rüsumlar 30%-ə, Çinə ixrac olunan Amerika mallarına isə 10%-ə endirilmişdi). Həmin razılaşmanın müddəti 12 avqustda başa çatır. Stokholm danışıqları isə 28 və 29 iyul tarixlərində baş tutub.