Pakistanın ən böyük neft emalı şirkəti “Cnergyico” oktyabrda ABŞ-dan 1 milyon barrel xam neft idxal edəcək.

Axar.az xəbər verir ki, bunu “Cnergyico” rəhbərinin müavini Üsamə Qüreyşi deyib.

O bildirib ki, neft partiyası qlobal əmtəə treyderi “Vitol”dan alınıb:

“Bu, “Vitol” ilə uzunmüddətli müqaviləmizin bir hissəsi kimi sınaq partiyasıdır. Kommersiya baxımından əlverişli və sərfəli olduğu ortaya çıxsa, biz ayda ən azı bir partiya idxal edə biləcəyik”.

“Röyters” isə vurğulayıb ki, neft razılaşması ABŞ Prezidenti Donald Trampın Pakistan ixracatını ciddi tariflərlə hədələdikdən aylar sonraya təsadüf edir və bu, İslamabadı Vaşinqtonla enerji və ticarət əlaqələrini genişləndirməyə sövq edib:

“Pakistanın ilk dəfə Amerika nefti alması İslamabadın Yaxın Şərqin karbohidrogen təchizatçılarından uzun müddətdir asılılığında əhəmiyyətli dəyişiklik olub”.