Rusiya yaxın həftələrdə Ukraynaya qarşı hücumlarının intensivliyini əhəmiyyətli dərəcədə artıra bilər. Ekspertlərin hesablamalarına görə, Kreml Alyaska sammitindən əvvəlki dövrdən kamikadze PUA və raketləri yığmaq üçün istifadə edib.

Axar.az xəbər verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub.

“Bu müddət Rusiya Ukrayna ərazisinə zərbələrin sayını bilərəkdən məhdudlaşdırıb, ABŞ-la münasibətlərdə xoş niyyətli danışıqçı illüziyası yaratmağa çalışıb. Bununla belə, yaxın gələcəkdə Moskva, yəqin ki, yığılmış arsenallarından istifadə edərək, raket və dron hücumlarını gücləndirəcək. Gələcək hücumların əsas hədəfi Ukraynanın enerji infrastrukturu olacaq”, - hesabatda bildirilib.