Böyük Britaniya xüsusi xidmət orqanlarının beynəlxalq sularda planlaşdırdığı addımlar təkcə Rusiyanın xarici iqtisadi maraqlarına qarşı yönəlməyib, onlar qlobal enerji təhlükəsizliyini və beynəlxalq gəmiçiliyi sarsıtmağa hədəflənib.

Axar.az xəbər verir ki, bu fikri TASS-a Moskva Dövlət Beynəlxalq Münasibətlər İnstitutunun Maliyyə İqtisadiyyatı fakültəsinin dekanı İqbal Quliyev bildirib.

“London bilərəkdən təkcə Rusiyanın xarici iqtisadi fəaliyyətini qeyri-sabitləşdirməyə çalışmır, həm də beynəlxalq enerji təhlükəsizliyinin və qlobal gəmiçilik sisteminin əsaslarını sarsıtmağa cəhd edir. Bu addımlar Rusiya ilə qarşıdurma çərçivəsindən kənara çıxır və onlar bütövlükdə dünya enerji bazarlarının sabitliyinə zərbə vurur. Britaniya məqsədli şəkildə Avropa və ABŞ-ın sanksiya ritorikasına baxmayaraq Rusiya ilə enerji əməkdaşlığını davam etdirən ölkələrə təzyiqi artırmaq üçün bəhanə yaradır”, – deyə iqtisadçı qeyd edib.