Rusiya 1010 gün ərzində Ukrayna ərazisinin 1%-dən azını işğal edib. Bu müddət ərzində təxminən 5,8 min kv.km Ukrayna torpağı Rusiyanın nəzarətinə keçib.

Axar.az xəbər verir ki, bu barədə “DeepState” məlumat yayıb.

Məlumata görə, 12 noyabr 2022-ci ildən rus qoşunları 5842 kv.km ərazini ələ keçirib ki, bu da beynəlxalq səviyyədə tanınmış sərhədlərdə Ukraynanın bütün ərazisinin 0,96%-ni təşkil edir:

"Təəssüf ki, işğalçılar genişmiqyaslı işğalın ilk günlərində böyük uğur qazandılar, lakin ölkənin şimalında, Xarkov və Xerson bölgələrində hücum əməliyyatları sayəsində Ukrayna əksəriyyətini geri qaytara bildi”.