2025.08.23 - 19:10

Moskva vilayətində erməni bloger Arsen Markaryan vətən müdafiəçilərinin xatirəsini təhqir etməkdə şübhəli bilinərək saxlanılıb.

Axar.az Publika.az-a istinadən xəbər verir ki, bu barədə paytaxtın İstintaq Komitəsi məlumat yayıb.

Qurumun açıqlamasına görə, o, Rusiya Cinayət Məcəlləsinin 354.1-ci maddəsinin 4-cü bəndi üzrə cinayətdə şübhəli bilinir. İstintaqın versiyasına əsasən, Markaryan 25 fevralda məhdudiyyətsiz auditoriya üçün təhqiramiz məzmunlu video yayıb.

Yanvarın sonunda Moskva prokurorluğu bildirib ki, Markaryanın sözlərində terrorizmə çağırışlar aşkarlanıb. Nəzarət orqanı yoxlama apararaq materialları istintaq orqanlarına göndərib və onlar bloqer barəsində cinayət təqibi məsələsini həll etməli olublar. Qeyd olunub ki, Markaryan "terrorizm ideologiyası və praktikasının düzgünlüyü barədə möhkəm mövqe formalaşdırıb".

Markaryan qalmaqallı müsahibələri ilə tanınıb. O, çıxışlarında dəfələrlə qadınlara qarşı nifrətamiz fikirlər səsləndirib, qadınların kişi ilə müqayisədə fiziki və intellektual baxımdan zəif olduğunu iddia edib. Bunun fonunda sosial şəbəkə istifadəçiləri ona “Mizogimli” ləqəbini veriblər – bu, “mizoginiya” (qadın düşmənçiliyi) sözünə və “Üzüklərin hökmdarı” romanındakı cırtdan qəhrəman "Gimliyə" işarə edir.

***

Vətən müdafiəçilərinin xatirəsini təhqir etməkdə təqsirləndirilən bloger Arsen Markaryanı 5 ilə qədər həbs gözləyir.

Bu barədə Rusiyanın İstintaq Komitəsinin məlumatında bildirilib.

Komitə onu Rusiya Cinayət Məcəlləsinin 354.1-ci maddəsinin 4-cü hissəsində (Kütləvi informasiya vasitələrindən və ya informasiya və telekommunikasiya şəbəkələrindən, o cümlədən internetdən istifadə etməklə törədilən Vətən müdafiəçilərinin xatirəsini təhqir etmə) cinayət törətməkdə ittiham edir.