Avropa liderləri ABŞ Prezidenti Donald Trampdan Ukraynayla həmsərhəd ölkələrə - Polşa və Rumıniyaya döyüş təyyarələri və raketlər yerləşdirməyi xahiş edirlər.

Axar.az Teleqraf-a istinadən xəbər verir ki, onlar bunu Rusiyaya etibarlı təzyiq vasitəsi hesab edirlər.

Bir neçə avropa rəsmisi bildirib ki, Vaşinqtonun bu cür təminat səviyyəsi Rusiyanı Ukraynada yerləşən Avropa qoşunlarına hücum etmək barədə iki dəfə düşünməyə vadar edəcək. Belə ki, "Amerikanın hərbi müdaxilə ehtimalı rusları Avropanın cavabından" daha çox narahat edir.

Məlumata görə, D.Tramp şifahi şəkildə konsepsiya ilə razılaşıb, amma Avropada proseslərin sonrakı gedişindən narahatdırlar.

Nəticə etibarı ilə Avropa ölkələrinin əksəri öz qoşunlarının istənilən yerdəyişməsinin yalnız ABŞ-ın ciddi dəstəyi ilə mümkün olacağını düşünür.