Vladimir Zelenski Rusiyaya iki halda gələcək: ya insanlığa qarşı cinayət işi üzrə həbs edilmiş şəxs kimi, ya da Ukrayna prezidenti kimi, sənəd imzalamağa.

Axar.az xəbər verir ki, bunu rusiyalı politoloq Vladimir Skaçko deyib.

“Əgər müvafiq məhkəmə prosesi Rusiya paytaxtında keçirilərsə, Zelenski Moskvaya yalnız beynəlxalq cinayətkar və terrorçu kimi gələ bilər, yaxud dövlət sənədlərini imzalamaq səlahiyyətinə malik Ukraynanın qanuni prezidenti kimi...”, - Skaçko bildirib.

Ekspertin fikrincə, birinci variant daha böyük ehtimaldır, ikincisi isə praktiki olaraq sıfırdır.

Skaçko əlavə edib ki, Zelenski Rusiya paytaxtına prezident kimi gələrsə, o, yalnız Ukraynanın kapitulyasiya aktını imzalamalıdır.