ABŞ nüvə silahının yayılmasının qarşısının alınması kontekstində Belarus Prezidenti Aleksandr Lukaşenko ilə əlaqə qurmağa məcbur olub.

Axar.az xəbər verir ki, bunu ukraynalı diplomat Roman Bessmertnı deyib.

“Burada indi demək olar ki, müzakirə olunmayan vacib bir məqam var. Bütün bunlar nüvə silahının Belarusda yerləşdirilməsinin mümkünlüyünü göstərir. Bu barədə nə qədər danışdıqlarını xatırlayın? İndi Lukaşenko bu mövzudan əl çəkib”, - o bildirib.

Onun sözlərinə görə, ABŞ Lukaşenkoya Belarus ərazisində strateji və ya taktiki nüvə silahlarının yerləşdirilməsinin qətiyyən yolverilməz olduğunu izah edib:

“Nəticədə Lukaşenko siyasi məhbusları azad etməklə “bazarlığa” başladı. ABŞ isə öz növbəsində “Belavia”ya qarşı sanksiyaları ləğv edə bilər. Lukaşenkonun rol oynadığı aydındır. ABŞ-ın Lukaşenkonu Putindən qoparmağa müvəffəq olacağı ideyası Putin və Szinpin arasını vurmaq kimi tamamilə mənasız bir sıra cəhdlərin davamıdır. Bu mümkün deyil, olmayacaq”.