ABŞ Prezidenti Donald Trampın BMT Baş Assambleyasındakı çıxışının Rusiya ilə bağlı hissəsi ciddi qəbul edilməlidir, amma sözün hərfi mənasında deyil. ABŞ liderinin tənqidinin arxasında Avropa liderlərinin Kiyevi dəstəklədiyi iddiasını ifşa etmək istəyi dayana bilər.

Axar.az xəbər verir ki, bunu rusiyalı politoloq Malek Dudakov deyib.

“ABŞ prezidentinin Nyu Yorkdakı çıxışını yön dəyişikliyi kimi qiymətləndirmək olar, çünki onun sentyabrın 23-də Kremlə ünvanladığı bəyanatlar vəzifəyə başladıqdan sonra ən kobud və tənqidi bəyanatlar olub. Trampın Rusiyanın hərbi qüdrətinin və iqtisadi dayanıqlığının blef olduğu barədə bəyanatında ironik bir alt mətn var. Amerikalı siyasətçi çox gözəl başa düşür ki, əslində bu gün “kağız pələng” Avropadır”.

Qeyd edək ki, Tramp Rusiyanı “kağız pələng”lə müqayisə edib.