Rusiya Prezidenti Vladimir Putin və Çin lideri Si Szinpin “Sibirin gücü 2” qazının qiyməti ilə bağlı razılığa gələ bilməyib.

Axar.az xəbər verir ki, bu barədə “Röyters” məlumat yayıb.

Məlumata görə, yeni boru kəmərinin tikintisi ilə bağlı Rusiya-Çin danışıqlarında layihənin əsas parametrləri, xüsusən də ildə 50 milyard kubmetr təşkil edəcəyi gözlənilən tədarükün qiyməti ilə bağlı razılıq əldə olunmayıb:

“İnvestisiya şərtləri və qazın paylanmasına başlama tarixi də qeyri-müəyyən olaraq qalıb. Yekun sövdələşmənin 2026-cı ildə bağlanacağı gözlənilsə də, kəmərin tikintisi ən azı beş il çəkəcək, onun layihə gücünə çatması isə daha əlavə beş ilə başa gələcək. Hazırda “Qazprom” “Sibirin gücü-1” boru kəməri ilə Çinə hər il 38 milyard kubmetr qaz nəql edir”.