Husilər Təl-Əviv Qəzzada atəşkəs razılaşmasına əməl edəcəyi təqdirdə İsraili atəşə tutmağı və Qırmızı dənizdəki əlaqəli gəmilərinə hücumu dayandıracaq.

Axar.az xəbər verir ki, bunu Yəməndəkı Ənsarullah Siyasi Bürosunun üzvü Hüzam əl-Əsəd deyib.

"İsrail razılaşmaya əməl edərsə, hərbi əməliyyatlarımız dayandırılacaq, lakin biz onun icrasına nəzarəti davam etdirəcəyik. Əgər İsrail Qəzzada təcavüzünü və xalqımıza qarşı blokadasını yeniləsə, cinayətlərini və təcavüzünü dayandırmaq üçün hərbi əməliyyatlarımızı əvvəlkindən daha intensiv templə davam etdirəcəyik”, - Əsəd bildirib.

Qeyd edək ki, Qəzzada tərəflər sülh planını qəbul edib və 10 oktyabrdan atəşkəs qüvvəyə minib.