"Tomahavk" raketləri ilk növbədə gəmilərdən və sualtı qayıqlardan buraxılış üçün nəzərdə tutulub, ABŞ-ın onları quruda işə salan çox məhdud sayda qurğuları var. Lakin bu vəziyyət onların Ukraynaya göndərilməsinə mane olmur.

Axar.az xəbər verir ki, bunu Manhetten Universitetinin professoru İqor Eyzenberq deyib.

Onun sözlərinə görə, ABŞ ordusunda çox güman ki, yerüstü "Tomahavk" atıcılarının yalnız iki batareyası var:

"Onları 2024-cü ildə istehsal etməyə başladılar. Tramp raketlərin verilməsi ilə bağlı qərarı şəxsən ona fayda verib-verməyəcəyinə dair öz fikrinə əsaslanaraq verəcək".

Ekspertin fikrincə, Tramp hələ də Putini Ukrayna ilə danışıqlar masası arxasına oturmağa məcbur etmək istəyir, ona görə də buna nail olmaq üçün o, Ukraynanı “Tomahavk"larla təmin edə bilər.

Onlar üçün buraxılış qurğularının olmaması probleminə gəlincə, Eyzenberq ABŞ-ın Avropadakı keçmiş komandanı Ben Hocesin son bəyanatına istinad edir. Hoces bu yaxınlarda qeyd edib ki, ukraynalılar praktiki olaraq yoxdan hər şeyi yarada bilərlər.