İsrail Qəzzada girovların azad edilməsində və müharibənin sona çatmasında köməklik göstərdiyinə görə ABŞ Prezidenti Donald Trampa ən yüksək mükafat təqdim edəcək.

Axar.az xəbər verir ki, bunu İsrail Prezidenti İshaq Hersoq deyib.

“Tramp yorulmaz səyləri ilə nəinki yaxınlarımızı evə gətirməyə kömək etdi, həm də Yaxın Şərqdə təhlükəsizlik, əməkdaşlıq və sakit gələcəyə gerçək ümid üzərində qurulmuş yeni dövrün əsasını qoydu”, - Hersoq bildirib.

Bundan əlavə, Hersoq mükafatın yaxın aylarda veriləcəyini və qərarını Trampa İsrailə səfəri zamanı bildirəcəyini qeyd edib.

Xatırladaq ki, Misir liderinin Donald Trampa bu gün Şarm əş-Şeyxdə keçiriləcək Yaxın Şərq Sülh Sammitində "Nil" ordeni verəcəyi bildirilir.