Hazırda xaricdə təxminən 5 milyon ukraynalı qaçqın var. Müharibə bitdikdən sonra hər üç nəfərdən yalnız birinin vətənə qayıtması proqnozlaşdırılır.

Axar.az xəbər verir ki, bu barədə Ukrayna Milli Elmlər Akademiyasının Demoqrafiya və Sosial Araşdırmalar İnstitutunun direktoru Ella Libanova deyib.

O bildirib ki, Avrostat hesabatına görə AB ölkələrində hazırda 4,4 milyon ukraynalı qaçqın yaşayır:

"Daha 600 min nəfər AB xaricindəki digər ölkələrdədir. Buraya əsasən Kanada, Böyük Britaniya və Moldova daxildir. Təxminən 5 milyondur.

2022-ci ildə müharibə səbəbindən ölkəni tərk edən ukraynalıların təxminən 50%-nin geri dönəcəyi proqnozlaşdırılırdı. İndi isə onların üçdə birinin geri dönəcəyini gözləmək olar”, - demoqraf qeyd edir.

Libanova hesab edir ki, müharibə zamanı Ukraynaya qayıtmaq istəyən insanların sayı hər ay azalır.

"Çünki getdikcə daha çox insan orada uyğunlaşır və burada daha çox dağıntı var. 20-64 yaş arası qadınlarımız arasında faiz nisbətinə baxsanız, onların 70%-i (xaricdə) işləyir. Bu, miqrantların ilk dalğası üçün tamamilə inanılmaz bir rəqəmdir", - deyə o bildirir.