Mən Putinə deyə bilərəm: Bax, əgər müharibə dayanmasa, onlara “Tomahavk”lar göndərəcəyəm. Mən bunu edə bilərəm.

Axar.az xəbər verir ki, bunu ABŞ Prezidenti Donald Tramp israilə gələrkən təyyarədə jurnalistlərin suallarını cavablandırarkən deyib.

“Tomahavk”lar inanılmaz silahdır və açığını deyim ki, Rusiyaya bunlar lazım deyil. Müharibəni həll etmək mümkün olmasa, biz bunu edə bilərik, amma etməyə də bilərik”, - Tramp bildirib.

Onun sözlərinə görə, Ukraynaya lazım olanları vermək lazımdır, çünki ukraynalılar həqiqətən çox yaxşı döyüşçülərdir:

“Mən həqiqətən düşünürəm ki, Putin bunu həll etsəydi, daha yaxşı olardı və məncə, edəcək, amma görəcəyik. Əgər etməsə, bu onun üçün yaxşı olmayacaq”.