Rusiya Prezidenti Vladimir Putin dopinqlə mübarizə sistemindəki problemlərin araşdırılması üçün ölkəsində rus və əcnəbi mütəxəssislərdən ibarət müstəqil komissiyanın yaradılmasını təklif edib.

Axar.az xəbər verir ki, Putin Rusiyanın rəsmi mövqeyinin idmanda dopinqin yeri olmamasından ibarət olduğunu bildirib.

"Rəsmi mövqeyimiz idmanda dopinqin yeri yoxdur və olmayacaq. İdmançıların sağlamlığı qorunmalıdır. Ölkəmizə qarşı dopinq ittihamlarından dolayı Beynəlxalq Olimpiya Komitəsi (BOK) və Dünya Dopinlə Mübarizə Agentliyi (DDMA) ilə əməkdaşlıq etməyimiz şərtdir. Bu ittihamların araşdırlması üçün yaradılacaq olan müstəqil komitəyə Vitali Smirnov rəhbərlik edəcək. O etibarlı bir şəxsdir", - Putin vurğulayıb.

Qeyd edək ki, beynəlxalq dopinq araşdırmaları ilə məşğul olan qurumlar rus idmançıların tez-tez qadağan olunmuş preparatlardan istifadə etməsi ilə bağlı ittihamlar səsləndirir.