Rus hərbçiləri noyabrın ortalarına qədər Pokrovsku tutmaq əmri alıb.

Axar.az xəbər verir ki, bunu ukraynalı zabit Stanislav Bünyatov deyib.

"Rusiyalı əsir deyir ki, Putin noyabrın ortalarına qədər Pokrovski tutmaq əmrini verib, ona görə də nə hərbçi, nə də texnika əsirgəyəcək", - o bildirib.

Digər bir ukraynalı hərbçi isə yazır ki, Pokrovskda vəziyyət çox çətindir:

"Lakin müdafiə qüvvələri müvəqqəti olaraq vəziyyəti sabitləşdirməyə nail olub. Düşmən keçə bilməyəcəyi xətlərə çatıb və şəhəri tamamilə ələ keçirmək üçün irəliləməyə davam edir".

Qeyd edək ki, Ukrayna Prezidenti Vladimir Zelenski Pokrovskda mövcud vəziyyətin ağır olduğunu etiraf edib.