ABŞ-da federal hökumətin bağlanması (şatdaun) səbəbindən ABŞ iqtisadiyyatı 14 milyard dollara qədər itirəcək.

Axar.az xəbər verir ki, bu barədə Konqresin Büdcə İdarəsinin hesabatında deyilir.

Sənədə görə, təxminən 650 min federal işçi məzuniyyətə göndərilib və onların daha 600 min həmkarı maaşsız işləməyə məcburdur.

Analitiklərin fikrincə, artıq beşinci həftəsində olan şatdaun yaxın günlərdə başa çatarsa, itkilər 7 milyard dollar təşkil edəcək. Federal hökumətin bağlanması altı həftə davam edərsə və təxminən 12 noyabrda başa çatarsa, ÜDM itkiləri 11 milyard dollara çatacaq. Şatdaunun noyabrın sonuna qədər uzadılması isə 14 milyard dollar itkiyə səbəb ola bilər.

Həmçinin bildirilir ki, dördüncü rübdə ABŞ-ın ÜDM artımı bağlanma müddətindən asılı olaraq 1-2% azala bilər.