Fransa Malidə təhlükəsizlik vəziyyətinin ciddi şəkildə pisləşməsi ilə bağlı vətəndaşlarına ölkəni ən qısa zamanda müvəqqəti tərk etməyi tövsiyə edib.

Axar.az xəbər verir ki, bu barədə Fransa Xarici İşlər Nazirliyi müraciət yayıb.

Nazirliyin yaydığı xəbərdarlıqda Bamakoda və bir çox bölgələrdə cihadçı qrupların tətbiq etdiyi blokadanın gündəlik həyatı iflic etdiyi vurğulanır:

“Son bir neçə həftə ərzində Malidə, o cümlədən paytaxt Bamako daxil olmaqla, təhlükəsizlik vəziyyəti pisləşib. Fransız vətəndaşlarına hazırda mövcud olan kommersiya reysləri ilə ölkəni müvəqqəti tərk etmələri tövsiyə olunur”.