Suriyanın Prezidenti Əhməd Şara Ağ Evdə ABŞ Prezidenti Donald Trampla danışıqlar zamanı ikitərəfli münasibətlərin gücləndirilməsini, eləcə də qarşılıqlı maraq doğuran regional və beynəlxalq məsələləri müzakirə edib.

Axar.az xəbər verir ki, bu barədə Suriya liderinin ofisinin məlumatında deyilir.

"Danışıqlar zamanı diqqət Suriya Ərəb Respublikası ilə ABŞ arasında ikitərəfli münasibətlərə, onları gücləndirmək və inkişaf etdirmək yollarına, eləcə də qarşılıqlı maraq doğuran bir sıra regional və beynəlxalq məsələlərə yönəlib", - deyə bildirilib.

Qeyd edilib ki, görüşdə Suriyanın xarici işlər naziri Əsəd Şeybani və ABŞ dövlət katibi Marko Rubio da iştirak edib.