Venesuela ABŞ-dan gələn təhdidlərlə üzləşsə də, Tehrana birbaşa hərbi dəstək üçün müraciət etməyib, lakin siyasi yardım istəyib.

Axar.az Publika.az-a istinadən xəbər verir ki, bu barədə İran Xarici İşlər Nazirliyindəki mənbə bildirib.

“Müxtəlif variantlar müzakirə olunub, lakin Venesuela ABŞ-ın təhdidləri ilə bağlı İrandan hərbi dəstək istəməyib, yalnız İslam Respublikasının siyasi kömək imkanlarını nəzərdən keçirib”, - deyə mənbə Karakasın hərbi yardım tələbi ilə bağlı suala cavab verib.

Qeyd edək ki, sentyabrdan noyabra qədər ABŞ silahlı qüvvələri dəfələrlə Venesuela sahilləri yaxınlığında narkotiklərin daşınması üçün istifadə olunduğu güman edilən katerləri məhv edib.