Kalininqrad vilayəti Rusiyanın ayrılmaz hissəsidir və bölgəni qorumaq üçün lazım olan hər şey ediləcək.

Axar.az xəbər verir ki, bunu Kremlin mətbuat katibi Dmitri Peskov “Airbus”un baş direktoru Rene Obermanın fikirlərini şərh edərkən deyib.

“Avropada baş verənlər və hakim əhval-ruhiyyə fonunda əlbəttə ki, Rusiya həm bu gün, həm də sabah öz təhlükəsizliyini, sabitliyini və proqnozlaşdırıla bilənləri təmin etmək üçün lazım olan hər şeyi edir”, - o bildirib.

Qeyd edək ki, Oberman Kalininqrad bölgəsində yerləşdirilən müdafiə sistemlərindən qorunmaq üçün Avropada taktiki nüvə silahlarının yerləşdirilməsinə çağırıb.