Hər kəs Donald Trampın prezidentliyindən məmnun olmalıdır.

Axar.az xəbər verir ki, bunu NATO-nun Baş katibi Mark Rutte “El Pais” qəzetinə verdiyi müsahibədə deyib.

O, Amerika liderini "stereotipləri qıran" və qlobal münaqişələri həll edən "xoş insan" kimi təsvir edib.

"Hər şey ABŞ prezidentindən başlayır. Tramp Putinlə danışmaq üçün telefonun dəstəyini qaldıranda vəziyyət həqiqətən dəyişir. Buna görə də inanıram ki, hamımız Trampın prezidentliyindən məmnun olmalıyıq", - Rutte bildirib.

Rutte qeyd edib ki, Amerika lideri sayəsində NATO ölkələri 2035-ci ilə qədər müdafiə xərclərini ÜDM-in 5%-nə çatdırmaq barədə razılığa gəliblər.