Vladimir Zelenski prezident olmamışdan öncə də mənim dostum idi. Mən onu bundan sonra da belə xatırlayacam.

Axar.az xəbər verir ki, bu sözləri Ukrayna Prezident Ofisinin ötən gün istefaya verən rəhbəri Andrey Yermak “Faynənşl Tayms”a müsahibəsində bildirib.

Yermak istefası ilə bağlı Zelenskiyə qarşı heç bir incikliyinin olmadığını söyləyib.

Yermak ABŞ-ın Rusiya-Ukrayna münaqişəsi ilə bağlı sülh planından da bəhs edib:

“Rəhbərlik etdiyim nümayəndə heyəti Cenevrədə amerikalı tərəfdaşlarla birlikdə sənədin 28 bənddən ibarət ilkin variantını aradan qaldırmağa nail oldu. Hazırda bu plan 19 bəndlə məhdudlaşıb. Bir neçə məsələ var ki, onlar da razılaşdırıla bilər. İnanıram ki, bu mümkündür. Hər halda Prezident Zelenski istər daxili, istərsə də xarici təzyiqlər fonunda Ukraynanın maraqlarına zidd olan heç bir sənədi imzalamaq və ya təsdiqləmək niyyətində deyil”.

Qeyd edək ki, korrupsiyaya qarşı mübarizə qurumlarının evində və ofisində axtarış aparması fonunda A.Yermak istefaya gedib.