24 fevral 2022-ci ildən 4 dekabr 2025-ci il tarixinə kimi Ukrayna savaşında 153 171 nəfər rusiyalı hərbçinin həlak olmasını media təsdiqləyib.

Axar.az xəbər verir ki, bu barədə “Medizone” nəşri məlumat yayıb.

Bildirilib ki, nəşr mediada yayılan, yaxınların mesajları, dəfn elanları, məzar fotoları və digər təsdiqlənmiş mənbələrə istinad edir.

4 dekabr 2025-ci il tarixinə olan məlumata görə, siyahıda 153 171 təsdiqlənmiş ölüm hadisəsi var. Nəşr vurğulayır ki, bu, yalnız minimum rəqəmdir, çünki bütün ölüm halları dərc olunmur.

“Təsdiqlənmiş itkilərin regional bölgüsü göstərir ki, ən çox ölüm halları "depressiv" (iqtisadi anlamda - red.) milli respublikaların və yüksək səfərbərlik səviyyəsinə malik sıx məskunlaşmış bölgələrin payına düşür.

Ən yüksək göstəricilər cənub və Qafqaz regionunda - Dağıstan, Şimali Osetiya, Çeçenistan və Başqırdıstanda müşahidə olunur. Səfərbərliyin xüsusilə geniş yayıldığı Buryatiya, Yakutiya və Tuvada da ciddi itkilər baş verib”, - deyə məqalədə bildirilir.