Bu ilin əvvəlindən Rusiyanın işğal etdiyi torpaqlar Ukraynanın ümumi ərazisinin bir faizindən azını təşkil edir. Bu templə Rusiya təkcə Donetsk bölgəsini ələ keçirmək üçün daha bir neçə il sərf edəcək.

Axar.az xəbər verir ki, bu barədə Müharibə Təhqiqatları İnstitutunun (ISW) hesabatında deyilir.

Belə ki, analitiklərin hesablamalarına görə, 2025-ci ilin əvvəlindən rus qoşunları 4669 kvadrat kilometr, yaxud Ukraynanın 0,77 faiz ərazisini ələ keçirib.

Eyni zamanda, Rusiya qeyri-mütənasib dərəcədə böyük itkilər verib: 390 mindən çox insan öldürülüb və yaralanıb, yaxud hər kvadrat kilometrə 80-dən çox qurban...

Ekspertlərin fikrincə, rusların Qulyapol bölgəsi kimi nisbətən sürətli irəliləyiş əldə edə bildiyi ərazilərdə belə, onların nailiyyətləri ümumi miqyasda hələ də çox azdır.