Türkiyə hökuməti 15 iyul qiyam gecəsi ölən və xəsarət alan şəxslərin ailələrinə birdəfəlik kompensasiya ödəyəcək.

Axar.az xəbər verir ki, bunu Türkiyənin Əmək və Sosial Müdafiə naziri Süleyman Soylu jurnalistlərə deyib.

"Çevriliş cəhdi zamanı ölən və xəsarət alan şəxslərin ailələrinə 240 min lirə məbləğində (114 min manat) birdəfəlik kompensasiya ödəniləcək. Həmçinin, həmin ailələrə hər ay 3200 lirə (1500 manatadək) müavinət də veriləcək. Bundan əlavə, ailə üzvləri daimi işlə də təmin olunacaq", - nazir bildirib.

Qeyd edək ki, 15 iyul gecəsi hərbi çevriliş cəhdi nəticəsində 246 nəfər şəhid olmuş, 2 mindən çox şəxs isə yaralanmışdı.