2026-cı ildə Ukrayna Rusiyada və müvəqqəti işğal olunmuş ərazilərdəki hədəflərə zərbələrin sayını əhəmiyyətli dərəcədə dəyişə bilər.

Axar.az xəbər verir ki, bunu ukraynalı analitik və aviasiya üzrə ekspert Konstantin Krivolap deyib.

"Bizim raket proqramımızın həyata keçirilməsinə mane olan yoxdur.

Ona görə də mən "Fire Point"in bütün məhsullarını səbirsizliklə gözləyirəm, "Neptun"larımızı, "Sapsan"larımızı səbirsizliklə gözləyirəm. Artıq "Sapsan"larla bağlı ən azı 10 hadisə baş verib, onları nəyin vurduğunu anlamaq çətin olub.

Bunun ballistik ola biləcəyinə dair təkliflər var idi, amma ukraynalılar ballistikanı haradan əldə edəcəklər?

Ruslar susur və bunu etiraf etmək istəmirlər. Bizimkilər də demirlər ki, ruslar onlara nə ilə zərbə endirildiyini bilməsinlər",- ekspert qeyd edib.

O əlavə edib ki, Ukrayna hazırda Rusiyanın S-400 sistemləri üzərində fəal işləyir.

Ekspertin sözlərinə görə, Rusiya təxminən 150 belə sistem istehsal edib, onların bəziləri ixrac edilib:

"Rusiyada 100-ə yaxın kompleks qalıb.Ukrayna artıq bu sistemlərdən təxminən 40-50-ni məhv edib. Üstəlik, bu komplekslərin əksəriyyəti Krımda məhv edilib. Gözləyirəm ki, yeni ildən Krıma ciddi raket hücumları başlayacaq və Krım Rusiya hərbçilərinin yaşayışı üçün tamamilə yararsız hala düşəcək".