ABŞ ordusu Sakit okeanın şərqində narkotik alveri ilə məşğul olduğu iddia edilən üç gəmiyə zərbə endirib.

Axar.az xəbər verir ki, bu barədə ABŞ Silahlı Qüvvələrinin Cənub Komandanlığı özünün X hesabında məlumat yayıb.

"Kəşfiyyat gəmilərin Şərqi Sakit okeandakı məlum narkotik ticarəti marşrutları ilə hərəkət etdiyini və narkotik alveri ilə məşğul olduğunu təsdiqləyib. 8 nəfər öldürülüb”, - məlumatda bildirilib.

Qeyd edək ki, sentyabrın əvvəlindən ABŞ ordusu Karib dənizi və Sakit okeanın şərqində narkotik qaçaqmalçılığı ilə məşğul olduğu iddia edilən ən az 26 gəmini məhv etdiyini, 95 nəfərin öldürüldüyünü bildirib.