ABŞ anlamalıdır ki, Rusiya danışıqlar zamanı konstruktiv mövqeyə hazır deyil, çünki Kreml Ukraynanı ya ABŞ Prezidenti Donald Trampın əli ilə, ya da güc yolu ilə ələ keçirməyi hədəfləyir.

Axar.az xəbər verir ki, bunu ukraynalı diplomat Roman Bessmertnı deyib.

Diplomatın sözlərinə görə, həm birinci, həm də ikinci məsələ Ukrayna Konstitusiyasına ziddir. Konstitusiyada ölkənin NATO kursu açıq şəkildə təsbit olunub, seçkilərlə bağlı vəziyyət də eynidir, çünki hərbi vəziyyət dövründə bunun baş tutması mümkün deyil.

“Üstəlik, seçkiləri hazırlıqsız keçirmək olmaz. Bu isə o deməkdir ki, atəşkəs və ya müvəqqəti sülh seçkilərin keçirilməsi üçün şərt sayıla bilməz”, – deyə Bessmertnı vurğulayıb.