Rusiya Arktikada iqtisadi əhəmiyyətli su arteriyasını qorumaqda qərarlıdır. İlk dəfə olaraq səkkiz nüvə buzqıran gəmidən ibarət Rusiyanın bütün Şimal Donanması eyni vaxtda orada yerləşdiriləcək.

Axar.az xəbər verir ki, bunu Britaniya Kral Donanmasının zabiti Tom Şarp "Telegraf" üçün yazdığı məqaləsində qeyd edib.

Şarp bildiib ki, Ob və Yenisey körfəzlərində qışda buz yığılması zamanı bu gəmilər uzaq Sibir terminallarından neft, mayeləşdirilmiş təbii qaz və minerallar daşıyan tankerlərə yol açır:

"Dekabrın erkən və qalın buzunu nəzərə alaraq, bu səfərbərlik Rusiyanın "Ucqar Şimal"a dəniz çıxışının nə qədər vacib olduğunu və Putinin onu açıq saxlamaq üçün nə qədər çarəsiz olduğunu göstərir. Onun müharibə iqtisadiyyatını dəstəkləmək üçün neft və qaza ehtiyacı var".