Rusiya və ABŞ Ukraynanın iştirakı olmadan Zaporojye atom elektrik stansiyasının (AES) birgə idarə olunması imkanlarını müzakirə edirlər.

Axar.az xəbər verir ki, bu sözləri Rusiya Prezidenti Vladimir Putin deyib.

Putin əlavə edib ki, Ukrayna stansiyanın idarə olunmasında iştirak etməyəcək.

O bildirib ki, ABŞ-ın təşəbbüsü ilə Zaporojye AES-dən Ukraynaya elektrik enerjisi tədarükü imkanı nəzərdən keçirilir.

Putin vurğulayıb ki, ukraynalı mütəxəssislər Zaporojye AES-də işləməyə davam edirlər, lakin onların hamısı Rusiya pasportu alıb.

Qeyd edək ki, dekabrın 24-də Ukrayna Prezidenti Vladimir Zelenski sülh planının 20 bəndini sadalayıb. Bu bəndlər sırasında AES-lə bağlı təklif stansiyanın ABŞ və Ukrayna tərəfindən birgə işlədilməsini (50/50 nisbətində payla) nəzərdə tutur.