İsveçrənin müdafiə naziri Tomas Zyussli ölkənin özünü genişmiqyaslı hücumlardan qorumaq qabiliyyətində olmadığını qeyd edib.

Axar.az xəbər verir ki, bu barədə "Neue Zürcher Zeitung" (NZZ) məlumat yayıb.

Nazirin sözlərinə görə, rəsmi Bern Rusiya tərəfindən artan təhlükələr fonunda hərbi xərclərini artırmalıdır:

"İsveçrə qeyri-dövlət aktorları tərəfindən edilən hücumlar və kiberhücumlara hazırdır, lakin silahlı qüvvələrimiz texniki çatışmazlıqdan hələ də əziyyət çəkirlər. Biz ölkəmizə qarşı tammiqyaslı hücumu dəf etmək gücündə deyilik. Real fövqəladə vəziyyətdə ordumuzun yalnız üçdə biri tam təchiz olunmuş olar".