“Demokratlar” blokunun lideri Yair Qolan Qadi Ayzenkotun rəhbərlik etdiyi blokdakı partiyaları ərəb partiyaları ilə əməkdaşlıq etməyə və hökumət qurmağa çağırıb.

Axar.az xəbər verir ki, Qolan bu barədə özünün X səhifəsində yazıb.

“Netanyahu uduzdu. Mən 120-yə qədər saymağı bilirəm. 65 (Ayzenkot Bloku ilə ərəb partiyalarının Knessetdə qazandıqları mandat - red.) 55-dən (Netanyahu Blokunun əldə etdiyi mandat - red.) çoxdur. İsrail demokratiyası belə işləyir. Və nöqtə. Reallıq bizə bir dərs verməlidir: Qorxmağı dayandırmasaq, irqçiliyə son qoymasaq, burada gələcəyimiz yoxdur. Netanyahunun davam etdirdiyi yəhudi və ərəb səslərinin irqçi bölgüsü ilə daha barışmamalıyıq”, - Qolan bildirib.

Qeyd edək ki, Netanyahu "ərəb partiyaları ilə birləşməməyi" təklif edib.