Kosovada 11 ayda ikinci dəfə parlament seçkiləri keçirilir.

Axar.az xəbər verir ki, bu barədə “Röyters” məlumat yayıb.

Məlumata görə, yerli vaxtla saat 07:00-da (Bakı vaxtı ilə 10:00) açıqlan seçki məntəqələri saat 19:00-da (Bakı vaxtı ilə 22:00) bağlanacaq.

Qeyd edək ki, Baş nazir Albin Kurtinin solçu millətçi partiyası “Vetevendosye” (Özünütəyinetmə Hərəkatı) uzun müddətdir davam edən siyasi çıxılmaz vəziyyətdən çıxmaq üçün səs çoxluğuna nail olmağa çalışır.

Bazar günü keçirilən növbədənkənar seçkilər “Vetevendosye”nin qalib gəldiyi, lakin parlamentdə çoxluq qazana bilmədiyi fevral ayında keçirilən səsvermədən sonra baş verir.

Aylarla davam edən uğursuz koalisiya danışıqları Kosova Prezidenti Josa Osmaninin noyabr ayında parlamenti buraxmasına və növbədənkənar seçkilər təyin etməsinə səbəb olub.

Əgər “Vetevendosye” yenidən səs çoxluğu qazana bilməsə, Kosovanın əsas siyasi partiyalarının koalisiya hökuməti qurmaq üçün güzəştə getməyə hazır olub-olmayacağı ilə bağlı qeyri-müəyyənlik qalacaq.