Rusiyada geyim və ayaqqabı istehsalçıları artan vergilər və cərimələr səbəbindən öz bizneslərini kütləvi şəkildə bağlayırlar. Üstəlik, bu, ilk növbədə rus istehsalçılarına aiddir, xaricilər bu hadisələrin fonunda çox yaxşı işlər görürlər.

Axar.az xəbər verir ki, bu barədə "RBK-Ukrayna" Ukrayna Xarici Kəşfiyyat Xidmətinə istinadən məlumat yayıb.

Məlumata görə, idxalın əvəzlənməsi ilə bağlı bütün vədlərə baxmayaraq, 2022-ci ildən sonra Rusiya sənayesi beynəlxalq brendlərin ölkəni tərk etməsindən yararlana bilməyib:

"Satışların müvəqqəti artmasına baxmayaraq, azalma özünü çox gözlətmədi, artıq 2024 və 2025-ci illərdə sənaye problemlərlə üzləşdi: tələbin azalması, mağazaların bağlanması və xərclərin artması kimi. Hətta iri oyunçular da öz bizneslərini kütləvi şəkildə bağlayırlar. "İncity" və "Deseo" iflas etdi, "Just Clothes" brendi bağlandı və "Qloriya Cins" mağazaları bağlayır, fabrikləri satır və istehsalı xaricə köçürür. 2025-ci ildə bağlanan bütün pərakəndə satış məntəqələrinin yarısı geyim və ayaqqabı mağazaları, ilk növbədə Rusiya mağazaları olub. Eyni zamanda, istehsalı inkişaf etdirmək əvəzinə bazar, əsasən, Çin və Türkiyədən gətirilən mallarla doldurulur. Rusiyada tam hüquqlu tekstil bazası yoxdur: müasir fabriklər, yüksək keyfiyyətli parçalar və aksesuarlar yoxdur. Hətta hərbi geyimlər Çindən sifariş edilir. Artan vergilər və cərimələr fonunda bizneslər gəlirliliyini, istehlakçılar isə alıcılıq qabiliyyətini itirir".