İran Rusiyanın buraxılış meydançasından istifadə etməklə eyni vaxtda üç yeni Yer müşahidə peykini orbitə çıxarıb.

Axar.az xəbər verir ki, bu barədə "Mehr" məlumat yayıb.

"İranın üç peyki - "Tolou-3", "Zəfər-2" və "Kövsər-1.5" Rusiyanın "Soyuz-2.1b" daşıyıcı raketi ilə "Şərq" kosmodromundan buraxılıb. İlk dəfədir ki, İran kosmosa çox sayda peyk buraxır.

Qurğular arasında ölkənin ən ağır peyki olan "Tolou-3" də var. Onun çəkisi 150 kiloqramdır və hazırda İranda ən qabaqcıl müşahidə peykidir. "Tolou" 80%-i İranda istehsal olunur və peyk klaster texnologiyalarının inkişafında irəliyə doğru böyük addımdır. İran həmçinin gələn il “Şəhid Süleymani” adlı ilk telekommunikasiya peyk klasterini orbitə buraxmağı planlaşdırır", - məlumatda deyilib.

Qeyd edək ki, bundan öncə Azərbaycan "Zəfər" məktəbli peykini orbitə çıxarmışdı.