Rusiya Prezidenti Vladimir Putin və İran Prezidenti Məsud Pezeşkian arasında telefon danışığı baş tutub.

Axar.az xəbər verir ki, bu barədə Kremlin mətbuat xidməti məlumat yayıb.

Pezeşkian Novqorod vilayətindəki Rusiya prezidentinin iqamətgahına edilən hücumu pisləyib.

Dövlət başçıları həmçinin İranın nüvə proqramını da müzakirə ediblər.

"Onlar həmçinin enerji və nəqliyyat infrastrukturu da daxil olmaqla, müxtəlif sahələrdə Rusiya-İran əməkdaşlığının daha da gücləndirilməsi ilə bağlı fikir mübadiləsi aparıblar", - məlumatda vurğulanıb.

Qeyd edək ki, Putinin Novqoroddakı iqamətgahına PUA hücumu ilə bağlı iddiaları Ukrayna tərəfi rədd edib.