Gecə saatlarında İranın bir neçə şəhərində etiraz aksiyaları davam edib.

Axar.az Teleqraf-a istinadla xəbər verir ki, iqtisadi vəziyyətin ağırlaşmasına etiraz olaraq Tehran, İsfahan, Əhvaz, Şiraz, Kirmanşah və Nəcəfabad da daxil olmaqla, müxtəlif şəhərlərdə sahibləri dükanları bağlayaraq etiraz aksiyaları keçiriblər.

Tehran, İsfahan və Yəzd kimi şəhərlərdə tələbələr də aksiyalara qoşulublar.

Etirazçılar aksiyalar zamanı “Diktatora ölüm”, “Nə Qəzza, nə Livan, canım İrana fəda”, “Bu bahalılığa ölüm, sona qədər gedirik”, “Bu son döyüşdür, Pəhləvi qayıdacaq” və “Rza şah, ruhun şad olsun” kimi şüarlar səsləndiriblər.

Kirmanşah və Tehranda etiraz edən vətəndaşlar təhlükəsizlik qüvvələrinə müqavimət göstərərək, onları geri çəkilməyə məcbur ediblər.