Türkiyə Hərbi Hava Qüvvələri Komandanlığının ehtiyaclarına uyğun olaraq, qabaqcıl texnologiya ilə təchiz edilmiş müasir döyüş təyyarələrinin əldə edilməsi və inventarın şaxələndirilməsi istiqamətində fəaliyyətlər milli döyüş təyyarəmiz KAAN xidmətə girənə qədər davam edəcək.

Axar.az xəbər verir ki, bu barədə Türkiyə Milli Müdafiə Nazirliyinin bəyanatında bildirilib.

“İnanırıq ki, CAATSA sanksiyalarının ləğvi ABŞ ilə Türkiyə arasında müdafiə sənayesində əməkdaşlığı sürətləndirəcək. Bu sanksiyaların aradan qaldırılması və F-35-lərin alınması istiqamətində işlər davam edir”, - bəyanatda vurğulanıb.

Qeyd edək ki, daha əvvəl ABŞ Prezidenti Donald Tramp Türkiyəyə F-35 təyyarələri satmaqla bağlı çox ciddi düşünüklərini açıqlamışdı.