Nikolas Maduro və xanımının ələ keçirilməsi əməliyyatı zamanı ABŞ-a məxsus helikopter zədələnib, bir neçə hərbçi isə yaralanıb.

Axar.az xəbər verir ki, bu barədə ABŞ Prezidenti Donald Tramp məlumat verib.

“Əməliyyat o qədər sürətli həyata keçirilib ki, Maduro qorunan “bunker”də gizlənməyə belə imkan tapmayıb. Yer üzündə belə bir əməliyyatı həyata keçirə biləcək başqa heç bir ölkə yoxdur”, - Tramp qeyd edib.

Qeyd edək ki, ABŞ Hərbi Hava Qüvvələri Venesuelanın paytaxtı Karakasa bu gün zərbələr endirib. Paralel olaraq xüsusi təyinatlılar Venesuela Prezidenti Nikolas Maduro və həyat yoldaşını ələ keçirərək, ABŞ-a aparıb.