Vaşinqtonun Venesuela neftinə ehtiyacı yoxdur, lakin ABŞ hakimiyyətinin rəqiblərinin bu ölkənin neft sənayesinə nəzarət etməsinə də yol verilə bilməz.

Axar.az xəbər verir ki, bunu ABŞ Dövlət katibi Marko Rubio "NBC Nyus" telekanalına müsahibəsində bildirib.

Onun sözlərinə görə, ABŞ-da kifayət qədər neft ehtiyatı mövcuddur, buna baxmayaraq, Venesuelanın neft sektorunun ABŞ-a qarşı qüvvələrin nəzarətində olması qəbuledilməzdir.

Dövlət katibi həmçinin vurğulayıb ki, ABŞ Venesuela neftinin satışından əldə olunan gəlirlərin Venesuela xalqının rifahına xidmət etməsini istəyir.

Qeyd edək ki, ABŞ Prezidenti Donald Tramp şənbə günü bildirib ki, Vaşinqtonun Venesueladakı iştirakı hərbi deyil, əsasən enerji sektoru, xüsusilə də neft sahəsi ilə bağlı olacaq.