ABŞ Prezidenti Donald Trampın administrasiyası Venesuelanın prezidenti vəzifələrini icra edən Delsi Rodrigesdən Nikolas Maduronun imtina etdiyi bir sıra amerikayönlü addımlar atmasını tələb edir.

Axar.az xəbər verir ki, bu barədə “Politiko” məlumat yayıb.

“Vaşinqton Rodrigesdən ən azı narkotik qaçaqmalçılığının qarşısını almaq üçün tədbirlər görməsini, İran, Kuba və digər Vaşinqtona düşmən olan casusları Venesueladan çıxarmasını, ABŞ düşmənlərinə neft tədarükünü dayandırmasını gözləyir. Bundan əlavə, ABŞ Rodrigesin Venesuelada azad seçkiləri təşviq edəcəyinə və nəticədə istefa verəcəyinə ümid edir. Vaşinqton hələlik konkret bir son tarix müəyyən etməyib, lakin Tramp əvvəllər Venesuelada nizam-intizam bərpa olunana qədər səsvermənin keçirilməsinin mümkün olmadığını bildirmişdi. ABŞ həmçinin Venesueladan həbsdə olan amerikalıları azad etməyi də tələb edə bilər”, - məlumatda deyilib.