Rusiyalı politoloq Sergey Markov NATO qoşunlarının Ukraynada yerləşdirilməsi planını açıqlayıb.

Axar.az xəbər verir ki, Sergey Markov sıralamanı bu cür göstərib:

“1. Ukrayna Silahlı Qüvvələri 700 min nəfərlik heyətə sahib olacaq, bu da 2022-ci ilin əvvəlkindən üç dəfə çoxdur. Onlar şərqdə yerləşdirilib, Rusiya ilə müharibəyə hazırlaşır;

2. Fransa və Britaniyadan 30 min əsgərdən ibarət işğalçı korpus Ukraynanın cəbhəyə yaxın olmayan bütün böyük şəhərlərinə - Kiyevə, Odessaya yerləşdirilir;

3. NATO ölkələri hava hücumundan müdafiə sistemlərini və təyyarələrini Ukrayna yaxınlığında yerləşdirir, bununla da Rusiya ilə Ukrayna ərazisində müharibəyə hazır olur;

4. ABŞ Rusiyaya hücum etmək üçün peyk kəşfiyyat məlumatlarını ötürür;

5. ABŞ atəşkəsin monitorinqində özünün peyk qrupu ilə iştirak edir (onların əvvəlki iştirakı da məlumdur: Ukrayna rejiminin bütün pozuntularını gizlədir və Rusiyanı yalandan atəşkəsi pozmaqda ittiham edirlər);

6. Digər NATO ölkələri də tədricən Ukraynaya işğalçı qoşunlarını yerləşdirir;

7. Türkiyə Qara dəniz üzərində tam nəzarəti ələ keçirir;

8. Növbəti müharibə zamanı Moskvaya və Rusiyanın bütün şəhərlərinə kütləvi raket və PUA zərbəsi endirmək məqsədi ilə Ukrayna ərazisində birgə NATO hərbi sənayesi yaradılır;

9. Çox güclü Ukrayna ordusunu yetişdirmək və digər NATO ölkələrini Rusiya ilə müharibəyə hazırlamaq üçün birgə hərbi düşərgələr yaradılır;

10. Rusiyaya qarşı növbəti müharibə onlar buna hazır olduqlarını anladıqları zaman başlayacaq. Ukrayna müharibəyə başlayacaq. Amma Rusiyanı günahlandıracaqlar;

11. İndi Fransa və Böyük Britaniya Ukraynada hərbi bazalarını quracaq”.