Görüşlərin tarixləri razılaşdırıldıqdan sonra Rusiya Ukrayna məsələsi üzrə amerikalı danışıqçıların - ABŞ Prezidentinin xüsusi nümayəndəsi Stiven Uitkoff və prezidentin kürəkəni Cared Kuşnerin yeni səfərini gözləyir.

Axar.az xəbər verir ki, bu barədə Rusiya Prezidentinin mətbuat katibi Dmitri Peskov keçirdiyi brifinqdə danışıb.

"Amerikalı danışıqçılarla mövcud ünsiyyət kanalları fəaliyyətini davam etdirir. Bu dialoq davam edir. Tarixlər razılaşdırılan kimi, ümid edirik ki, belə bir səfər baş tutacaq", - o bildirib.

Qeyd edək ki, “Blumberq” nəşri Uitkoff və Kuşnerin tezliklə Rusiya Prezidenti Vladimir Putinlə görüşmək üçün Moskvaya səfər etməyi planlaşdırdıqları barədə məlumat yaymışdı.