Yaponiya Baş naziri Sanae Takaiçi deputat Muneo Suzuki vasitəsilə Rusiya Prezidenti Vladimir Putinə xəbər göndərərək, Tokionun Moskva ilə münasibətlərinin vacib olduğunu və Ukraynada tez bir zamanda atəşkəs istəyini ifadə edib.

Axar.az xəbər verir ki, bu barədə Yaponiya Xarici İşlər Nazirliyinin keçmiş analitiki Masaru Sato məlumat yayıb.

"Yaponiya mediasında Suzukinin 2025-ci ilin dekabr ayının sonunda Moskvaya səfəri ilə bağlı məqaləni oxuyanda elə təəssürat yarana bilər ki, Baş nazir Takaiçi onun Rusiyaya səfərinə soyuqqanlı yanaşıb, amma bu, belə deyil.

Moskvaya səfərindən əvvəl deputat Suzuki Baş nazir Takaiçi və xarici işlər naziri Toşimitsu Motegi ilə görüşüb. Suzuki Baş nazir Takaiçidən Putinə şifahi mesaj alıb. İnanıram ki, mesaj Putinə çatdırılıb”, - Sato bildirib.